ازاى تقولها بحبك؟!؟!؟!؟!

لو مخطوبين

- اشتري ليها 11 وردة حمرا ووردة بيضا واكتب كارت صغير بتقول فيه "في وسط كل باقة ورد فيه وردة واحدة مختلفة.. الوردة دي إنت!"

- حاول تفتكر تواريخ الأيام الحلوة اللي كانت مهمة في علاقتكم، واحتفلوا بيها سوا.

- اهدي لها مخدة عليها أول حرف من اسمها وأول حرف من اسمك عشان تفتكرك قبل ما تنام.

- اهدِ ليها ديوان شعر وعلم على الأجزاء اللي بتفكرك بيها فيه.

- اعمل لها شريط كوكتيل بأغانيك المفضلة.

- فاجئها بتذكرتين لحفلة سينما لفيلم هي كانت عاوزة تشوفه.

- اهديها صورة ليك وإنت صغير.

- اشتري ليها نبات عشان تفتكرك كل ما ترويه.

- فاجئها بوجودك لما تكون مش متوقعاه.

- اشتري ليها حاجة ممكن تتحط في بيتكم في المستقبل (أي حاجة صغيرة ممكن تزين البيت).

لو متجوزين بقى.....

- حضر لها فطار في السرير.

- خبي لها كروت فيها كلام رقيق تحت المخدة أو علقيها على الثلاجة.

- ارجع البيت وفي إيدك وردة ليها.

- فاجئها بإنك أخدت أجازة تقضي معاها فيها شهر عسل جديد.

- املا أوضة النوم بالبالونات!

- لو نزلتم تشتروا حاجات ولاحظتِ إن فيه حاجة بالذات عجبته، خدي بالك من الحاجة دي
واشتريها ليه بعدين.

- حضري له عشاء على ضوء الشموع.

- اتعود تديلها حضن قبل ما تنزل من البيت.

- اتبرع بإنك تقوم بأعمال البيت في يوم (للرجالة طبعا).

- اطبخوا سوا

أتمنى الموضوع يعجبكم

ياجمااااعه

بجد الموضوح جامد
دا تحفة اوي
بس فين اللي يعمل بقي بالنصايح دي
ههههههههه
الصور كمان مانت معبرة اوي

ياريت الشباب يقدروا الكلام اللي فوق الفظيع دا

يااااااااااه
طيب ما تقولها انا بحبك وخلاص
او اكتبهلها فى ورقة لو كنت مكسوف زى العيال يعنى
بس بجد موضوع جامد وطرق معبرة
وصورة الواد الصغير اللى بينزل حاجات غربية من انفة دى جامدة
ربنا يخليهوللك يا حسانين

جاااااااااااااااااااااااامد
بجد جامد اوى التوبك دة يا محمد
على كدة انت اول واحد ينفذ الكلام دة!!!!!!
ههههههههه
ميرسى اوى بجد
وعلى راى sawah007 ماتقول لها بحبك وخلاص