الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 موسوعة نكت موسوعه بجد مش هتقدر تبطل ضحك

اذهب الى الأسفل 
كاتب الموضوعرسالة
NoNa_WiZo
:: شرف لينا ::
:: شرف لينا ::
avatar

انثى
عدد الرسائل : 32
البلد : alex
تاريخ التسجيل : 24/09/2007

مُساهمةموضوع: موسوعة نكت موسوعه بجد مش هتقدر تبطل ضحك   الأربعاء سبتمبر 26, 2007 11:15 am

أقدم لكم موسوعه نكت ليس لها حصر
اتمنى انها تنول اعجابكم وبشكر كل الى هيقول ليا رده وبشكر الجميع
وانا هاعمل المستحيل لكى اقدم لكم كل مايرضيكم شكرا





واحد محشش قطع لصاحبو راسو و قال:يا خرابي ده حيفوق و ميلاقيش راسو حيتجنن

واحد محشش شاف امه مولعة النار فيها قاللها والله منورة ياحجة
بخيل اتزوج بخيلة جابوا بنت سموها حصالة

بخيل اخذ ولده الى السوبر ماركت، اخذ الولد بسكوت وشوكلاته قال يابابا
احبه قال الاب بوسه ورجعه

مرة حمار بيقول لحمارة يا ترى بتحبينى لشخصى ولا علشان عندى عربية

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه

واحد ماشي في الصحراء شاف واحد قاعد علي صخره وبيعمل فوووووووووو فوووووووو ... سابه ومشي ... و شويه شاف واحد تاني قاعد علي صخره وبيعمل عن عن عن عن ...... سابه ومشي... و شوية شاف واحد قاعد على صخرة بس ساكت ، قال له قاعد كدا ليه ؟؟؟؟ ده في اتنين مجانين قاعدين يعملوا فوووووو وعن عن عن ورا ، راح قال له ايه دا هما قربه ؟؟ فووووووووووووووووووووووووووووووووو

واحد دخل جنينة الحيوانات ودخّل راسه في قفص الاسد، الحارس جري عليه وقاله انت بتعمل ايه يا مجنون ؟؟؟؟ قاله : ايه يابا .. يعني هناكله
مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل مش حيتعشى!!!

سواق تاكسى ركبت معاة واحدة حلوة قال لها تعرفى تسوقى قالت لة لا .. قال لها انا تسوقى

مره واحد غبي بيقول لصاحبه ايه رأيك انت تاخد شهر اجازه من الشغل وانا اخد شهر اجازه ونسافر شهريين فرنسا
واحد راح حديقه الحيوان بص للنسر وقال نفسى اعرف الحكومة بتختم بيك إزاى

واحدة حامل ولدت بنت الساعة خامسة الفجر .. جه جوزها وجاب البندقية و ... طخ البنت ........ وقال لأمها ماعندناش بنات تيجي في انصاص الليالى ....!!!

مرة واحد ركب دماغة وساق فى العبط ..... دخل في الحيطة

ضبطوا اتنين أغبية بيلعبوا صلّح لوحدهم

مره واحد عنده جموسه حرقها عشان ينزل اللبن مغلي

مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان البيض

اتنين اغبيه واحد قال للتاني :الغرب يا اخويا عمالين يخترعوا حاجات جديدة ويطلعوا القمر وحتي المريخ واحنا اجدع ناس مش عارفين نعمل حاجة؟ قام التانى قاله :طب خلاص احنا نروح نطلع الشمس! الاول قاله: بس الشمس بتكون حامية قوي ...التاني قاله خلاص نطلعها بالليل !!

واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه

واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق

مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقاوا له : احنا الناس التانين .. طاااااخ

مدرس بيشرح على السبورة فى الفصل وظهره للتلاميذ فسمع صوت عالى جدا ، فقال اسكت ياواد ياحماده لـحسن اضربك ، التلاميذ قالوا له حمادة مش موجود يا استاذ ... آم الاستاذ قال لهم لما ييجى تقولوا له

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام
مرة إتنين مساطيل واحد بيقول التانى هما القدماء المصرين بنو الهرم فى اد اية .... قالو 50 سنة ...قالو يا لية ؟؟ قالو اصل كل ما يرصوا حجرين الحكومة تكبس عليهم

واحد سفاح دخل شقة رجل قتل مراتة والراجل ضحك قتل ابنة والراجل لسة بيضحك قتل بنتة والرجال فاضل يضحك قتل والدة والراجل هيموت على نفسة من الضحك فالسفاح استغرب وسالة قالة انت بتضحك كدة لية وانا بقتل فى علتك فالراجل قالة وهو بيضحك اطلع من دول يا ابراهيم يا نصر

واحد سافر امريكا ...وبعد سنتين اتصل بأبوه وقال له انا اتجوزت وجاني ايدز .......... ابوه إضايق قوى وقال له ... ليه ما سميتوش على اسم جدك

اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت

واحد غيى ... حط إيده في جردل فيه ماية نار .... فحس ان صباع من اصابعه ناقصة .. فحط رأسه في الجردل عشان يدور عليه

مره تلاته قاعدين يلعبوا على قهوه الأول قال:كش ملكّّ.. التانى رد:لا ده شيش يك.. التالت راح واخد الكوتشنه و ماشى
بواب صعيدي وقع على السلم فاتجرح راح لدكتور اداله مرهم وقالوا ادهن مكان الاصابه راح دهن السلم

دكتور دخل على مجانين لقاهم معلقين واحد فى السقف وكاتبين علية نجفه ، وواحد مجنون قاعد بعيد عنهم فى الركن ، فسالة اية اللى بيحصل؟ قالة شوف المجانين معلقين الراجل ازاى !! الدكتور قاله ماتروح وتنزله .... رد علية المجنون وقاله ونقعد فى الضلمة يا خويا

واحد راجل قام عامل إيدو في حمض خطير
و لما خرج إيدو ما لقاهاش و بعدين راح عامل راسو بيدور عليها

انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة

قال بخيل لأبنائه : من ينجح منكم سأريه سيارة الأيس كريم

قال الطبيب للبخيل: خذ من هذا الدواء أربع ملاعق كل يوم. فرد البخيل: لكن
يا دكتور لا يوجد عندي إلا ملعقتين فقط! فما العمل

بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا

مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ
واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون

بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل

الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا

واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة

واحد كسول جداً راح للحلاق وجلس على الكرسي منزل راسه قام قال له الحلاق شعر ولا دقن قال الكسول دقن قال له الحلاق ارفع راسك قال الكسول لا خليها شعر

كان في اتنين حمير واقفين امام حلبة الفوروسية و بيشوفو الحصان و هو بيتنطط فاحدهم قال لصاحبه وهو بيبكي شوفت خسارة ياريت لو كنا تابعنا دراستنا

صرصار فى العناية المركزة سأل اللى جنبه : فليت
قاله : لأ شبشب

مرة واحد صعيدي راح امريكا ... وهو مار على فرح فسال واحد (هو ده فرح مين) فالاجنبي رد عليه وقاله I Don't Know
فاليوم اللي بعدها والصعيدي مار على ميتم فسال واحد(هو مين اللي مات) فالجنبي رد عليه وقال لهi Don't Know
فالصعيدي قال له يعيني.... ده كان فرحه لسه امبارح

نساء العالم اتحدن وقررن ان لا يقومو باى اعمال فى المنزل وبعد اسبوع تجمعو ليعرفوا النتائج الا ضراب فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة." جت المصرية وقالت "انا قلت لابو العيال انا مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال."

يا سيدي كان جورج بوش عازم توني بلير على الغداء و بعد ما طفحوا (سم هاري) طلعوا لعند الصحافيين منشان يعملو مؤتمر صحفي


المهم سئلوهم الصحفيين ايش صار معاكم بعد ما خلصتم إجتماعكم ؟

قال الرئيس بوش : و الله قررنا إن نقتل 20 مليون عربى و دكتور أسنان واحد

الصحفيين إندهشوا ونظروا الى بعضهم البعض والكل صار ملهوف على السؤال اللي بعده

سألو الصحفيين : إشمعنا يعني دكتور سنان واحد ؟؟

بوش اللعين ضحك و تطلع على توني بلير و همس في اذنه

مش قلتلك إنه ما حد با يهتم بال20 مليون عربى ؟

مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه
واحد سكران فتح التلاجه وبص للجلي ...وجده بيرتعش :قالوه متخفش هاخد عصير

واحدبلدياتنا سافر فرنسا بعت جواب لابوه بيقوله فرنسا حلوه يابويى فرنسا جميله قوى يا بويى ابوه بعتله جواب قاله اتجدعن وانا اجوزها لك
[size=12]مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا

نذل اتصل على برنامج أغانى ، و طلب اغنية بابا فين ، و اهداها لكل أيتام العالم

قمة الهدوء انك تسمع شريط فاضى وقمة الرخامة انك تقلب الشريط وقمة التناحة انك تعيد حتة عجبتك

ولد يسأل ابوه .... هل الحب اعمى ؟؟؟ رد عليه ابوه .. وقال : شوف امك وانت تعرف

عنزة عم تتمكيج قدام المراية قالت مو حرام هالجمال كلو يروح لواحد تيس؟!

مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك

واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول."

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wizo.4umer.com
NoNa_WiZo
:: شرف لينا ::
:: شرف لينا ::
avatar

انثى
عدد الرسائل : 32
البلد : alex
تاريخ التسجيل : 24/09/2007

مُساهمةموضوع: رد: موسوعة نكت موسوعه بجد مش هتقدر تبطل ضحك   الأربعاء سبتمبر 26, 2007 11:15 am

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته

فار محشش قال : كل القطط تحت جزمتى لقى وراه قط اسود قال الا ابو سمره حبيبى

مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا

ظابط مرور لقى شقته ضيقه عملها إتجاه واحد ..

بلدينا داخل عند حلوانى قاله عندك جاتو قاله اه قاله هاتلى قفصين ..

واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوق بكرة .. وانتي

اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر
[/size]
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.

اتنين مساجين اتفقوا يكسروا باب السجن ويقتلوا الحارس ويهربوا. كسروا باب السجن ملقوش الحارس قعدوا يستنوه

جماعة حشاشين قاعدين في غرزة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا جماعة ألاقى عندكم كبريت قالوله استريح لسه باعتين واحد أول ما يرجع نديلك واحد.

فيه واحد غبي قاعد يصلي وسمع اثنين بيشكروا ف صلاته، قطع الصلاة والتفت وقالهم: وكمان صايم
مرة وحدة وحشة اوي كل ام الناس يشفوها يقولو عليها انتي شكليك وحش المهم طلعلها عفريت وقال لها شبيك لبيكي انتي عوزا ايه قالت له نفسي اي حد يشوفني يقع فيا قال لها العفريت روحي وانتي بلاعه

محشش قالوا له قول لنا طير بحرف الكاف قالهم كنتاكي

واحد غبي وقع في حفرة ومش عارف يخرج منها، اول مرة حاول يخرج معرفش، تاني مرة حاول يخرج معرفش برضه، تالت مرة قال لو معرفتش اخرج المرة دي هروح

بلديتنا راح ينشر خبر فى الاهرام ملقاش حبل

واحد فقير عدى من قدام الجزار وبص للحمة بتمعن ... وقال لها حتروحى النار

واحد رفيع جدا راح وقف ف وسط الناس وقعد ينادي ويقول من يجي يتحداني من يجي يصارعني، مفيش رجاله هنا والا ايه، طلعله واحد من الناس عضلات الراج لقال بقينا اتنين من يتحدانا من يصارعنا..
اتنين مساطيل قاعدين مر عليهم جنازة - جنازة مين دي؟ - عبد اللطيف تاني يوم نفس الحكاية - جنازة مين دي؟ - عبد اللطيف تالت يوم نفس الحكاية - جنازة مين دي؟ - عبد اللطيف - هو ماله حظه مهبب كده ليه؟
واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق

في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة

في واحد بخيل انحرق بيته رن على المطافي رنه وحده وقفل السماعه

واحد بيقول لتانى انت مواليد 80
قالة ايوة مواليد 80
قالة يبقى اكيد تعرف محمود

مرة شحات بيقول لله رد علية واحد قالة ربنا يسهلك

قاله وان ماسهلهاش ارجعلك

واحد بيقول للتانى انا بدات اكتب مذكراتى التانى رد علية

وياترى وصلت لليوم اللىسلفتك فية20 جنية

بلدياتنا حب يوصل بلده بسرعة ركب القطر وقعد يجرى فيه

واحد بقول لجاره من فضلك لما تبوس مراتك ابقي اقفل الشباك انا امبارح شايفك وانت بتبوسها

حرام عليك دانا كنت امبارح بايت بره

مرة واحد قال لصاحبة سمعت اخر نكتة ؟

قالة لية هما خلصوا

طفل بيسأل والده : أنا جيت أزاى؟

فقال له جبنا كوب ماء وسكر ووضعناه تحت السرير ثم صحينا من النوم لقيناك

فعل الطفل كما قال والده وعندما نظر فى الكوب وجد صرصار فقال له لو ماكنتش أبنى كنت فعصتك

واحد حشاش ازعجتة دبانه قطع جناحتها وقلها

يلا خديها كعابي
واحد حشاش ماشيى جنب انترنت كافية مكتوب عليها الساعة بعشرة جنية دخل يسأل :

هى ضد الماء.
مرة شوية مجانين فى مستشفى رسموا باب على الحيط وقعدوا يخشوا فية بكتفهم علشان يتفتح فالدكتور دخل عليهم لقى واحد قاعد على جنب قالة انت اللى عاقل فيهم والله انت مبتعملش زيهم لية قالة ...... قالة حمير ميعرفوش ان المفتاح معايا

ليه الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي.

كيف تعرف البواب الصعيدي ....؟؟؟؟؟ يقوم بتنظيف المصعد في كل دور

صعيدي سألوة أية رأيك في الزواج المبكر...؟؟؟؟ قال لهم في أي ساعة

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح
من الناحية الأخري.

صعيدي لغي موعده مع الدكتور لأنة مريض

مره واحد بلديتنا طوبه جت في صدره بص وراه

واحد بلدياتنا عمل 2 إيميل، واحد دوت كوم للشتاء وواحد نص كوم للصيف

مره واحد بلديتنا كان بيدق مسمار فى الحائط فالمسمار وقع منه فقال له :تعالى
فلم يجي, فقال له: تعالي فلم يجى. فراح بلديتنا رامي على المسمار شوية مسمامير
وقال: هاتوه.

اربعه بلدياتنا بيلعبو علي الطريق السريع الي العربيه تخبطه مرتين يطلع بره

عشرين واحد من بلدياتنا غرقوا في غواصه ليه؟؟ سمكه خبطت عليهم!!

واحد بلدياتنا عازم صحابه على السطح ليه؟ أصدقاء سطحيين

واحد بلدياتنا رجع من امريكا قاعد بيحكي لأبوه وأمه الحاجات الغريبة اللى
شافها .
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت

واحد بلدياتنا عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
جـاه النوم … قـام غـسـل وشه ورجــع للـسـريـر يـكـمـل الـعـد

بلدياتنا تاجروا في الموز خسروا علشان
بيرمو الموز المعوج

واحد بلدياتنا في مسابقة من سيربح المليون اتصل بصديق وقال له الو محمدين
معانا 30 ثانية رايك احذف اجابتين ولا استخدم الجمهور!

بلدياتنا مبيعرفشى يعوم وقع فى البحر مات محروق

واحد بلدياتنا وقع في خلاط الأسمنت طلع منه قال يخرب بيت الملاهي.

مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة
البقال نعم عندى فقال الطفل طيب بكام

واحد بلدياتنا رجع من السفر لقى الشقة مليانه صراصير.. غير قفل الباب

واحد بلدياتنا اشتري كمبيوتر... شال الماوس وحط جاموسة

بلدياتنا أول مرة يشوف واحد فلبيني قال يا بخته ده شبعان نوم

واحد بلدياتنا راح يتمشى جابوه من على الحدود

مرة واحد بلدياتنا عرف ان الجلد موضة مشى عريان

جماعة بلدياتنا عملوا أتوبيس بالعرض عشان يركبون كلهم قدام

اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير
هناك ، دخلو قعدو جمب واحد فى الصوان بيدخن قال الاول : انفاس معدودة وقال
التانى : كلنا لها رد الراجل : محدش واخد منها حاجة

مره واحد بلدياتنا ركب دماغه عمل حادثه

مرة واحد بلدياتنا نزل في محطة الرمل رجلة غرزت
واحد بلديتنا اتعزم على حفلة تنكرية بعت اخوه
واحد بلدياتنا دخل جنينة الحيوانات ودخل راسه في قفص الاسد، الحارس جري عليه
قاله انت بتعمل ايه، قاله ايه يابا يعني هناكله.
واحد بلديتنا كبر دماغه معرفش يخرجها من التيشرت

بخيل واقف فى البلكونة... ابنه جاى من بعيد يقول له بابا بابا بابا ... قاله:
يا ابن الكلب بابه واحده كفاية.

--بخيل اتزوج بخيلة جابوا بنت سموها حصالة

- انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة.

واحد مسطول ماشي في الشارع وجد عمود نور مكتوب عليه شقه للايجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي وجدت مكتوب شقه للايجارجلست اخبط ومحدش فتح لي قاله غريبه مع ان الجماعه منورين النور فوق

وحده اديت صاحبتها بغبغاء هديه تاني يوم سالتها عن البغبغاء قالتلها عادي زي طعم الفراخ

اثنين محششين قاعدين قدام مرايا الاول قال للثاني قوم نسلم على اللي قدامنا ولما وقفوا الثاني قال اقعد اقعد هما جاين علينا

اتنين محشيشين ماشيين فى الشارع قابلتهم مذيعه

سألت للأول: مصر بتمثل لك ايه ؟؟

قالها: مصر.... دى أمى

وقالت للتانى: مصر بتمثل لك ايه ؟؟

قال لها: مابحبش اتكلم على أم واحد صاحبى

فيه واحد غبي دخل محل نظارات سأله الرجل اللي في المحل عايزها للشمس

قال : لأ عايزها لي أنا

صعيدي فكر بعمق ..غرق

صعيدي انتحر علشان يفرح عيالة

صعيدي قتل أبوة // لانه سمع عن رحـلـه مجانية لـلأيتـام

صعيدي اشترى (شبح) خاف منه..

واحد كسول ....جداً راح للحلاق وجلس على الكرسي منزل راسه .....قال له الحلاق ...شعر ولا دقن ...قال الكسول دقن ...قال له الحلاق ارفع راسك.... قال الكسول لا خليه شعر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wizo.4umer.com
NoNa_WiZo
:: شرف لينا ::
:: شرف لينا ::
avatar

انثى
عدد الرسائل : 32
البلد : alex
تاريخ التسجيل : 24/09/2007

مُساهمةموضوع: رد: موسوعة نكت موسوعه بجد مش هتقدر تبطل ضحك   الأربعاء سبتمبر 26, 2007 11:22 am

مرة رجل تزوج من إمرأة كانت تطبخ له البطاطة كل يوم وفي يوم من الأيام قال لها إذهبي الى بيت امك وتعلمي منها طبخة أخرى فذهبت فقالت لها أمها عندما يأتي زوجك الى البيت ويقول لك ماذا طبخت قولي له طبخت بتاتا فرجعت الى البيت وبعد لحظات دخل زوجها الى البيت وقال لها ماذا طبختي فقلت له بتاتا فقال لها روحي وإنت تالق بالثلاثة

مرة كان في أرنب مريض وراسه يوجعه فقالت السلحفاة له انا راح اجيب
لك بندول وبالفعل طلعت. ومر الوقت والارنب مريض ساعة ساعتين ثلاث خلص
اليوم وفي اليوم الثاني صحا الارنب من النوم والسلحفاة لسة ما رجعت فطلع
يتحرى وشافها توهها على بعد 100 متر فصرخ عليها وقال انا الغلطان اللي
اعتمد على مثلك فردت السلحفاة" احترم نفسك ولا ماني رايحة 5-1-2004

مرة اربع صاعيدة داخلين امتحان فاجلهم سؤال فى الامتحان وهو كام
عددارجل المعزة فكلهم سألو صاحبهم حسنين ووما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة هههههههه

جماعة صعايدة بيلعبوا كهرباء على الطريق السريع اللى تخبطه عربية
يطلع برة

مرة تلاتة صعايده راحوا محطه القطار لقوا القطر ماشى اتنين منهم طلعوا
يجروا ورا القطر و التالت واقف يضحك عليهم .
الناس ساءلوه بتضحك ليه قالهم اصل انا اللى مسافر والاتنين التانين جايين
يودعونى

صعيدى راكب تاكسى السواق نزل يحيب علبة سجاير لاقاة خلع عصاية
الفتيس
سالة لية خلعتها
قلة شفتك عمال تلخلخ فيها قلت لما اشلهالك علشان متتعبش

صيدلي اتجوز صيدلانية... خلغوا تركبية...
بدل ما يهشتكوها.. كانوا بيرجوها


واحد بلديتنا حب يعمل ارهابى.. خطف ابنه.. محدش سأل عليه قتله



واحد أعمى فتّح ... من الفرحة اتشل



مره واحد صعيدى حلم انه بيحفر فى بير غويييييط.. صحى لقى ايده فى مناخيره


واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللواء "فريد" جه؟ قاله : ماجاش يا شاويش "محمد"...

وبعد ساعة رجع له الشاويش محمد وسأله: اللواء "فريد" جه؟ قاله لسه ما جاش...

وبعد ساعة رجع له تانى وسأله اللواء "فريد" جه؟ قال له لسه ما جاش...

وبعد ساعة جه اللواء "فريد"... فقاله العسكرى : أنت فين من بدري الشاويش "محمد" حيخرب بيتك كككككككك


واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت


مره واحد بيقول لواحد صاحبه: اسكت مش انا حماتى ماتت امبارح... قاله لا حول الله يا رب... ماتت ازاى الست دى؟

قاله وانا واقف معاها فى البلكونه وقعت من الدور الخامس... قاله لا حول الله يا رب دى موته وحشه أوى...

قاله لأ.. ماهى ماوقعتش على الارض... قاله امال ماتت ازاى؟

قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا...

قاله لأ يا عم.. ماهى الكهرباء كانت مقطوعه... قاله امال ماتت ازاى بس؟

قاله اصل السلك نطرها في حمام السباحه... قاله لا اله الا الله ماتت غرقانه...

قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟

قاله ما انا لما ما لقيتش فايدة رحت خانقها بالإيشارب



مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!!
لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب...
الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها


مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها
مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟



واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع


جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت


واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة


ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...

- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم

-طيب لو خمسه؟؟؟؟؟؟
قالها: هادخل عليهم بالسلاح الأبيض

-طيب لو اربع دبابات... و عشر عساكر... وطيارتين؟

قالها جرى ايه يا وليه هو مفيش حد بيحارب غيرى وللا إيه؟؟؟



واحدة كل يوم تصحي من النوم تلاقي هدومها كلها ميه... خدت راي جارتها... قالتلها اعملي نفسك نايمة وشوفي الميه بتيجي منين... وهي نايمة لقت جوزها قاعد يتفرج علي قناة لبنان... وكل ما يشوف واحدة حلوة... يقول دي حلوة... ودي... اتفوووووو



واحد سنانه كلها طايرة ما عدا الانياب... قدم علي وظيفة عينوه خرامة


مرة صرصار كان ميت علي نفسه م الضحك .. ليه؟ علشان كان بيجري وراه واحد احول...



صعيدي وقفت علي وشه دبانة... بيهشها... قالت له حتي انت يا معفن!!!!!



واحد صعيدي نزل يتمشي.. جابوه من ع الحدود


واحد اسود اتجوز واحدة سودة زيه.. جابوا ولد ابيض.. سموه مش ممكن


فرخة اتجوزت فيل... جابوا تشيكن فيليه



مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب


صعيدي اشتري كمبيوتر... شال ال mouse وحط جاموسة



واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟



بلدياتنا عند دكتور العيون... بيقوله.. داكتور.. كل ما اشرب شاي عيني توجعني!!!

قاله متأكد انك بتطلع المعلقة من الكوباية بعد ما تقلب؟؟؟؟؟


بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد



واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك


كان فيه خمسة صعايدة سموا نفسهم الشجعان التلاتة


واحد أحول بيتفرج علي فيلم عاطفي... (بدل ما يدمع ريل).......... (بعد ما ريل.. الريالة طلعت علي ودنه)


غبي دخل البقالة سأل صاحب المحل عندك أيسكريم أبو ريالين ... قال ايوة ... قال الغبي : بكام؟؟

أنواع الهموم ثلاثة .
1) هم مفرح 2) هم محزن 3) هم برجر

اثنين في السجن محكوم عليهم اعدام ... واحد منهم حسود جدا .. في يوم الاعدام يسألوا الاول عن امنيته الاخيرة .. قال : اشوف امي . سألوا الحسود عن امنيته الاخيرة .. قال : صاحبي مايشوف امه

فيه صعيدى ذبح عياله وهو يقول : عصافير في الجــنة ولا حمير في الدنيا

مره واحد أمريكي نزل القاهره وركب تاكسي
كان في أ شارة حمراء وقطعها سائق التاكسي بعد خروجه من المطار
... قال له الإمريكي :: هيه انتبه انت مجنون اشارة حمراء وتقطعها

قال له سائق التاكسي: ... ماتخافشي ياخواجه انا بروفيشينال - حريف

الإشارة الثانية كانت حمراء وقطعها صاحب التاكسي

قال الإمريكي :... اكيد انت مجنون ماتخاف على نفسك وعلى اللي معاك
قال له سائق التاكسي ماتخافشي ياخواجه... انا بروفيشينال

الإشارة الثالثة كانت خضراء

وقف صاحب التاكسي عند الإشارة
اتجنن الإمريكي من هذا التصرف
وقال الإمريكي : ... اكيد انت مجنون ازاى إشارة خضراء وانت واقف
قال له صاحب التاكسي ... ماتبقاش مجنون ياخواجه
يمكن حد بروفيشنال جاي من هنا وإلا هنا

مدرس كيمياء رزق بولد .... فسماه سامي أكسيد الكربون

اشارة المرور
في دكتور عيون شاف اشارة المرور حمراء نزل حط لها قطرة.


الليمونة
لمونة لونها اصفر، ليه ؟.. ما بتاكولش يا عيني


البيضة
فرخة استحمت بهد اند شولدر باضت بيضة من غير قشرة


السيجارة
واحد بلدياتنا حب يشرب سيجارة حطها فى كباية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wizo.4umer.com
 
موسوعة نكت موسوعه بجد مش هتقدر تبطل ضحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: Youth & Fun Zone...شبكة الحب الترفيهى :: ضحــك ولعــب-
انتقل الى: